كرونا جات..

بندعى وبنقول يارب
فرج كربنا وأرحم ضعفنا
ولسة فينا سواد القلب
شايفين بعنينا الموت
بيقرب مع الوقت
لكل واحد مننا
ومين علية الدور
بعد ساعة ولا ساعتين
ولا يوم ولا يومين
ماحدش يعرف امتى وفين
وأحنا ولا داريين
سكينة الحياة سرقانا
بتقطع كل يوم فينا
بتطمعنا فيها ومابتسيبناش
العين متغمية مسحوبة
رايحة منها البصيرة
وازاى تشوف الحقيقة.
وقلوبنا لساها مصدية.
صابها الصدى م الدنيا
الفانية دية…
كرونا جات طوفان.
كشفتنا قصاد نفسنا
خلتنا عرايا ف المراية
بحسناتنا وعيوبنا المخفية
ما عرفناش نهرب منها.
ولا نتدارى ونبعد عنها.
طوفان بيجرى جرى.
بيحصد ولابيخلى حيئ.
صغير ولا كبير
غنى ولافقير
ولاصاحب جاة وسلطان.
الكل الكل جاى
لا حينفعة مال ولا صولجان.
ولما يموت لا يغسلوة
واهلة يخافوا يستلموة.
ولامنة بيقربوا
وفى المقابر يا عالم يدفنوة.
يا الله…يا الله..
عملنا اية عشان.
يكون عقابنا بالشكل دا..
الجوامع تتقفل ف وشنا
وبيت ربنا غضبان مننا.
والكعبة الشريفة ماتلاقيش
حد يطوف جنبها
يلمسها يصبرها
يضم حزنها
يطيب قلبها
يواسيها على فورقة احبابها
بمعاصيهم بعدت عنهم
وبفسادهم فارقوا قلبها.
يارب فوقنا ورجعنا
قبل فوات الأوان..
احنا مالناش غيرك..
انت الغفور الرحيم