“مصر على استعداد دائم: بين الدبلوماسية والقوة العسكرية”
تصريحات المتحدث العسكرى واحدث المستجدات
وأخيراً تحدث المتحدث العسكري باسم القوات المسلحة المصرية
حديث رائع وصريح وواضح في كل تفاصيله ويعكس استعداد مصر منذ زمن لكل تفاصيل المؤامرة يعني ايه
يعني احنا مش متفاجئين ولا مندهشين ده بالعكس بقى ، احنا اللي بنفاجئ دلوقتي واحنا اللي بندهش اعداء مصر كلهم بالقدرات والاستعدادات يعني مصر بتقولهم على راي الاخ عربي بتاع كرداسة لما كنتوا رايحين كنا نايمين نايمين ليه علشان رجعنا وخدنا شاور واتعشينا واتفرجنا ع المسلسل وبنريح كمان علشان نديكم بالـ
هل مصر تفاجئت بسيناريو التهجير لأرض الصومال
لاء دي مصر ذات نفسها في الصومال دلوقتي بجيشها بقواتها المسلحة ومستنية اي حد يقرب من هناك!
طب هل هيتم الاعتراف بإقليم أرض الصومال وده الشرط اللي حطوه لاستقبال أهالي القطاع
ولا هيحصل إلا بحرب عالمية ثالثة موضوع ارض الصومال معقد جداً مش بالبساطة اللي ترامب بيفكر فيها يعني ده كده يبقى بيولع في كل المراكب وبيفتح جبهات مش هيقدر عليها في وقت واحد
وحتى لو فتح الجبهات دي احنا هناك وجاهزين ومستعدين والدكر يقرب
الحقيقة ان كل كلمة بتتقال في الصراع لازم نعتبرها شهادة تقدير لصناع الاستراتيجية المصرية ، في ابداع غير مسبوق في قراءة كافة الاحداث والتجهيز لكل السيناريوهات وإذا كان الرئيس السيسي هدد مرة بحالة عدم الاستقرار في الاقليم كله في حالة المساس بنقطة مياه من حصة مصر ما بالك بقى باللي يهدد وجود مصر زي ما المتحدث العسكري بيقول
رغم اشتعال الاحداث والتصعيد العسكري اللي بيعكس فشل ذريع في جولات التفاوض ، ولازم نفتكر دايماً ان الخاسر في مباراة التفاوض هو اللي بيلجأ للحلول العسكرية واننا كنا اقوياء في المفاوضات للدرجة اللي تخلينا نقول لاء لأقوى دول العالم لكن في حالة اطمئنان غريبة بنمر بيها كلنا حالياً حالة سببها ان كل حساباتك للمستقبل كانت صح وكل فرضياتك تحققت وعليه ، كل استعداداتك كانت في محلها ومكنتك من الوقوف بقوة النهاردة في
هدوء لاننا لسنا الطرف الأضعف في التفاوض لان قوتنا الشاملة بقت امر واقع ع الكل لان الكيان ومن معه مش قادرين يجاهروا بالعداء معانا زي ما بيحصل مع إيران هما عندهم حالياً مشكلتين في الشرق الأوسط احنا وإيران جايين سكة مع إيران وبيتكلموا علني ، معانا لاء وشهم في الأرض وعينهم مكسورة
لذلك كل شغلهم معانا غير مباشر ، اقتصادي العودة لغلق قناة السويس ضمنياً مشكلات وتريندات داخلية بهدف شق الصف المصري معرفش مين ينسحب من ماتش كل شوية فيديو خناقة مع ضابط ، كل شوية اصل في بنت اتخطفت بيرجعوا للشغل القديم بتاع ما قبل ٢٠١١ علشان فلسوا ، مش عارفين يجيبوها صريحة ومباشرة فبياخدونا للعب العيال بتاع زمان وللأسف ناس كتير مشيت في السكة دي واتضحك عليهم
لكن الخلاصة في النهاية ، وقت الجد كل المصريين هيبقوا اتجاه واحد فقط دعم مصر وجيشها وقيادتها السياسية بكل شيء
حديث مهم ومفصلي للسيد المتحدث العسكري المصري رد واضح وصريح على التصعيد العسكري وكل واحد عقله في راسه يعرف خلاصه
✍️امل هلال
