قصيدة مستحيل للشاعرة امونة علي

((( مستحيل)))

مستحيل العيشة بعدك….
تبقى حلوة يوم في بُعدك…
كل لحظة كت بقربك…
قلبي عاش فيها حياة…
دلوقتِ بتحاول وتبعد…
بعد إيه…!!
بعد ماخلتني أحبك…
طب وليه…؟
ممكن لو عندك جراءة تسأل سؤال…..
ولا اقولك رَيَّح فؤادك……
وانا ح جاوبلك عليه…..
لو ضميرك يرتاح في بُعدي/طب وماله….
وأما تسألني جوارحي عنك….
مش ح اقول إنك هجرت…..
راح ادافع برضو عنك مهما قالوا…..
أصل اللي حبك فؤادي….
لما قلت إنك عشقته….
يومها حلفت مِيِتْ يمين…..
إنك راح تحفظ له عهده وتكون أمين…
نفسي أسأل سؤال..؟
هو قَصَّر يوم معاك…!!
ولا خان عهده ف هواك…!!
دانت لما حاولت تبعد…..
خَلَفتْ كل الوعود……
وهو عشان عارف بتعند…..
كان يدادي فيك ويسْعِد….
لو هو ظالمك فَكَرُه…..
عشان يسامحك لما تهجره….
أنا مش راح أطول ف العِتاب….
ولا ح اقولك بكرة ح تشوف العذاب….
لكن ح فكرك….
إن قلبي اتواعد معاك…
إنه ماعمره يوم راح يُهْجُرك….
وانا وقلبي عند وعدي مهما كان…
مش راح نقول هُنَّا عليك….
ولا هنقول قلبك للعهد خان….
هنقول لقلبك عيش وحِبْ…..
راح نتمنى السعادة لك ياحُب…
عشان كل لحظة عشناها سوا….
كانت حياة….

أمونة علي