- كتب مجدى عبد العظيم
من واحة الهادي للشاعر عبد الله الهادي صقر بالاسماعيلية ألقى الشاعر الكبير خالد الطيب قصيدته بعنوان . فجر جثث
فجر جثث
فجر جثث واقتل ارواح
برضوا البلد دى محفوظه
ركن الشهيد فى الجنه براح
وليه مكانه محفوظه
فاكر وقوفك بسلاحك
هايكون سبب كاس لنجاحك
لا ده انت واهم صدقنى
هايكون سلاحك دباحك
بلدى اللى واكل من خيرها
ارحل بقى وشوفلك غيرها
وسيب مكانك لمواطن
عارف قيمتها وتقديرها
مصر اللى شارب من نيلها
تقتل شبابها ورجالها
حتى الوليده تيتمها
نفسي اشوف قلبك من ايه
اسود وشايل احقاده
ده شهيد بلدنا شهادته
وسام يتباها بيها أحفاده
وانت اللى فاكر نفسك
يوم جنة الاهك تتدخلها
ابدا ده وهم ورب الكون
خيالات فى راسك ترسمها
خيالات فى راسك ترسمها
مصر اللى اسمها فى كتابي
رب العباد لسنا زاكرها
فيها حضارة اجدادى
وكمان منارة ادينها
خدها نصيحه واسمعها
تبات حياتك تذاكرها
عمر العميل زى حالاتك
بلدى هايقدر يهزمها
عمر العميل زى حالاتك
بلدى هايقدر يهزمها
فجر جثث واقتل ارواح
برضوا البلد دى محفوظه
